Ашық әкімдік. Қағидатты берік ұстанған Шымкент қаласының әкімі Мұрат Әйтенов халықтың жеке мәселелері бойынша жоспарланған кезекті бірыңғай қабылдауын өткізді. Талап-тілегін арқалай келген 200-ден астам тұрғынды тыңдады. Әдеттегідей қасына орынбасарлары мен басқарма басшыларын, аудан әкімдерін қатар отырғызды. Қабылдаудан Шымкент қаласы полиция департамент басшылары мен прокуратура өкілдері де тыс қалмады.
Қала әкімімен кездесуге келген шаһар тұрғындары өз мәселелерін мүлтіксіз айтып, шешіп беруін өтінді. Әртүрлі себептермен қиын жағдайда тап болғандар жәрдем сұрады, кеңес алды. халық көтерген мәселенің бір бөлігі сол мезетте шешіліп те жатты. Тағы бір топ арнайы арыз жазып, өтінім хат қалдырды, шешімі уақытты қажет ететіндерін бақылауға алды. Ал орындалуы заңға қайшы талап иелеріне түсіндірме жұмыстары жүргізілді.
Көпшілік баспана кезегі, жер телімдерін заңдастыру, жеке кәсіпкерлік нысандарына жер бөлу, жол салу, инфрақұрылым сапасын көтеру сияқты мәселелерімен келген. Қалаға іргелес және шалғай жатқан елдімекендерден келгендері су, газ, жарықпен қамтылуын сұрауда. Денсаулық сақтау саласы мен білім беру мекемелеріне жұмысқа тұру жөніндегі сұрақтар да көтеріліп жатты.Барлық мәселе заң шеңберінде қаралып, тиісті сала мамандарының талқылауымен жан-жақты шешілу жолдары айтылып, хаттамаға енгізілді.
Өзектілігін жоймаған тұрғын үй кезегі мен жер телімін заңдастыру мәселесін қозғап келген тұрғындарға шешім реті мен заңдылығы түсіндірілді.
Еске сала кетейік, қала әкімінің ай сайынғы азаматтарды бірыңғай қабылдауы жүйелі түрде, әр айдың алғашқы сәрсенбісінде өтуде. Арызын арқалап келген әр тұрғынмен жеке-жеке сөйлесіп, көкейтесті мәселесін бірге шешуге атсалысуда.
More Stories
ЖАҢА ИППОДРОМҒА КЕЛІҢІЗ!
В ПЕРИНАТАЛЬНЫЙ ЦЕНТР ДОСТАВЛЕНЫ ИЗБИРАТЕЛЬНЫЕ ЯЩИКИ
Халық-сапалы өмірге лайық!