ҚАЙТА ЖАҢҒЫРҒАН «ШӘМШІ ӘЛЕМІ» АЛЛЕЯСЫ

«Шәмші әлемі» гүлзары 2006 жылы бой көтерген болатын. Ал, 2010 жылы демеушілердің көмегімен гүлзардың орталық бөлігіне арка мен сахна орнатылып, жаяу жүргіншілер алаңы, «Жұлдыздар аллеясы» салынды.

10 жылдан бері күрделі жөндеуден өтпеген гүлзардың тозығы жеткен болатын. Осыған байланысты, биыл аллея аумағы қайта жаңғыртылды.

Қайта жаңғырту жұмыстарына қатысқан «ШымкентСпецКомплекс» ЖШС мынадай жұмыстарды атқарды:

• Плиталық төсеніштер салынды;
• 63 орындық, урна,
• 135 жарықшам орнатылды;
• Субұрқақ жаңартылды;
• 1,6 га көгалды газон қайта құру жұмыстары атқарылды.

Ал, гүлзар аумағындағы эстрадалық сахна мен 12 тұғырлы арканы толықтай жөндеу жұмыстарын «Жасыл қала» ЖШС демеушілік есебінен жүргізіп отыр. Құрылысы толықтай желтоқсан айында аяқталады деп күтілуде.