QyzmetAqparat
Шымкенттік еріктілер таңғы 09:00-ден кешкі 18:00-ге дейін қаладағы «Halyk Bank-тің» 176 бөлімшесін және «Қазпошта» қызметін пайдаланушы зейнеткерлерге барынша көмек қолын созып жатыр. Қажеттілік туындаған жағдайда зейнеткерлерді үйлеріне дейін жеткізіп салуды көздеген еріктілердің саны бір күнгі іс-шарада 100-ден асты.
Іс-шара қалалық Жастар ресурстық орталығынының мұрындық болуымен ұйымдастырылып отыр. Еріктілік – ерлікпен тең. Бүгінгі іс-шарада басты назар сақтық шараларын жүйелі жүзеге асыру болып отыр. Еріктілер «Halyk Bank» және «Қазпошта» қызметін пайдаланушы барлық тұрғындарға жұқпалы дерттен сақтану шаралары жайлы түсіндіріп, көмектесті. «Іс-шара басталмас бұрын еріктілерге сақтық шаралары туралы толық түсіндіру жұмыстарын жүргізіліп, медициналық қолғаптар мен маскалар таратылды» дейді орталық басшысының орынбасары Жұлдыз Намаз.
Еріктілер көмегіне жүгінген қала тұрғындары еріктілерге ризашылығын білдіріп жатты. Бұдан бөлек, аталмыш орталық жұқпалы дерттің алдын алу мақсатында біршама жұмыстар атқарған болатын.
Рахат Арғынбай
