QyzmetAqparat
Биыл Шымкент қаласы Әл-Фараби ауданында көп қабатты 185 тұрғын үйдің ауласы абаттандырылып, балаларға арналған ойын алаңшалары орнатылуда. Бұл жөнінде аудан әкімі Ғабит Мәуленқұлов 9 айдың қорытындысы бойынша қала әкімі Мұрат Әйтеновке берген есебі барысында баяндады.
Аудан әкімдігінің мәліметі бойынша, «Строи.ком «Прогресс» жауапкершілігі шектеулі серіктестігі мемлекеттік-жекеменшік әріптестік аясында 100 ауланы абаттандырып, тұрғындардың игілігіне берген. Сондай-ақ, «Жұмыспен қамтудың жол картасы» бағдарламасы аясында 49 көп қабатты тұрғын үйдің ауласын абаттандыруға республикалық бюджеттен 1 миллиард 178 миллион теңге бөлінген. Бүгінде бұл жұмыс та толығымен аяқталып, жаңарған аулалар тұрғындардың пайдалануына берілді.
Мұнан бөлек Әл-Фараби ауданындағы 36 қөп қабатты тұрғын үйдің ауласында абаттандыру жұмыстары жүргізілуде. «Агроспецмонтаж» ӨК-і жұмысты қараша айында аяқтауды жоспарлап отыр. Айта кетейік, аудан аумағындағы 672 көп қабатты тұрғын үй бар. Олар 400 аулаға біріктірілген.
Шымкент қаласы әкімінің баспасөз қызметі
