QyzmetAqparat
Шымкент қаласының Абай ауданындағы шалғай елді мекендерде қоқыс алаңшалары жаңартылып жатқаны туралы ақпараттық-коммуникациялық орталығында өткен баспасөз брифингінде Абай ауданының әкімі Бұхарбай Парманов мәлімдеді.
– Абай ауданы аумағында 453 көп қабатты тұрғын үй 258 аулаға біріктірілген. Бүгінде осы жылға жоспарланған 19 үйдің 12-сінде құрылыс жұмыстары жасалуда. Одан бөлек, ауданда жалпы қатты тұрмыстық қалдықтар тастайтын 485 контейнер болса, қолдану мерзімі өтуіне байланысты 150 дана жаңа контейнер сатып алынып, ауыстыру жұмыстары жүргізілді, – деді Бұхарбай Рысқұлұлы.
Спикердің айтуынша, қала әкімінің тапсырмасына сәйкес аудан аумағынан шалғай жатқан елді мекендердің тұрмыстық қалдықтарын көше бойына шығарып қоюды болдырмау мақсатында Ақжар тұрғын алабына 3 жерге және Алтынтөбе тұрғын алабына 7 жерге арнайы қоқыс алаңшасын орнату үшін жер телімі анықталған. Яғни, аталған орындарға 10 қоқыс алаңшасы мен 20 қоқыс контейнері орналастырылған.
Айта кетейік, ауданда абаттандырылған аулаларды көгалдандыру үшін 6 мың түп раушан гүлі отырғызылған.
Шымкент қаласының Ақпараттық-коммуникациялық орталығы
