Естеріңізде болса, Қазығұрт ауданында С.Ертаев бастаған ауыл шаруашылығы саласы кәсіпкерлері ауыл-ауылда баспана тұрғызып, тұрғындардың алғысын алып жүр еді ғой. Сол игі іс енді жаппай қолдау тауып, жанданатын секілді.
Бірақ, бұл жолы тек кәсіпкерлердің жеке құралдарымен ғана емес, мемлекеттің қаржылық қолдауы да қосылмақ. Өз қызметкерлерін баспанамен қамтамасыз етуге жақсы мотивацияны бүгін Мемлекет басшысы Ұлттық қоғамдық сенім кеңесінің V отырысында сөз етті. Президент Қ.Тоқаевтың айтқанын сөзбе-сөз келтірсек:
«Кәсіпкер өз жұмысшыларына арнап ауылда үй салса, мемлекет оған кеткен шығынның 50 пайызына дейін қайтаратын болады. Бұл — қай жағынан алып қарасақ та, бәріне пайдалы» -дейді.
Демек, алдағы уақытта жер-жерде ауыл тұрғындары баспаналы болып, қоныстой тойлайтын кез келеді деп сенуге болатындай. Бұл — бір жағынан, баспана мәселесін шешсе, екінші жағынан ауылдан үдере көшкен елді ауылда тұрақтандырудың әдемі тәсілі.
С.ДҮЙСЕБАЙҰЛЫ
Фото ашық интернет көздерінен
Больше историй
СТРОИТЕЛЬСТВО АЭС ДАСТ ИМПУЛЬС РАЗВИТИЮ БИЗНЕСА — РАИМБЕК БАТАЛОВ
САУАЛНАМА ҚАНША АДАМНЫҢ АЭС САЛУДЫ ҚОЛДАЙТЫНЫН КӨРСЕТТІ
ШЕТ ТІЛІНІҢ ЖҰРНАҒЫ ЖАЛҒАНҒАН КЕЙБІР АТАУЛАР ТУРАЛЫ