САЯБАҚ, АУЛА, ТРОТУАР, ТІПТІ ШАЛҒАЙДАҒЫ ТЕКЕСУДІҢ ДЕ КӨШЕСІ ҚАРДАН ТАЗАРДЫ

Шымкент қаласының Әл-Фараби ауданындағы саябақтар, аяқжолдар, көқабатты тұрғын үй аулалары, баспалдақтар, аулаларды жалғайтын тротуарлар, тіпті ең шалғайдағы Текесу тұрғын алабының көшелеріне дейін қардан тазарып жатыр. Бұл жайында аудан әкімі Ғабит Мәуленқұлов өзінің жеке парақшасында бірнеше пост жазып бөліскен.

Аудан әкімінің жазуына қарағанда, көшелер мен ірі жолдарды арнайы техникалар жұмылып қардан тазартса, баспалдақтар мен аяқжолдарды аршуға қол еңбегі пайдаланылған.

Сондай-ақ, Ғ.Мәуленқұлов әлі де тазалауды қажет ететін жерлер мен құлаған ағаштар бола қалса, аудан әкімі аппаратының +7 707 985 09 75. what’s up байланыс нөміріне жібере алатынын және 39-02-01 кезекші телефоны арқылы хабарлауға болатынын ескертеді.