Қазақстан Республикасының Отан қорғаушылар күні – бұл еліміздің қорғаныс қабілетінің кемелденгенін білдіретін мереке. 1991 жылы 25 қазанда Қазақстан Президентінің Жарлығымен Қазақ КСР-ң мемлекеттік қорғаныс комитеті құрылды. Кейін республиканың қорғаныс мәселелерін толық түрде жеке шешуіне байланысты қорғаныс комитеті Қазақстан Республикасының Қорғаныс министрлігі болып қайта құрылды.
Бүгінде Қазақстан өз азаматтарының әскери қызмет атқаруының жағдайы мен тәртібін дербес анықтайды, өз аумағында әскерлердің, қару–жарақтың және техниканың орналасу мәселесін шешеді. ҚР Қарулы Күштері түрлі бөлімдерден және әр түрлі құрамалар мен арнайы әскерлерден тұрады. 24 жылдық қалыптасу кезеңінде ұлттық әскер күштері азаматтардың еңсесін тіктеп, еркіндігін кеңейтіп, аянбай еңбек етуде. Әскеріміз жаңарып, оның күш-қуаты жылдан жылға нығаюда. Бұл күн — қайсар мінезді ата-бабамыздың жауынгерлік дәстүрінің заңды жалғасын тапқан күні. 7 мамар — Отан қорғаушылар күніне орай, Абай ауданы жастар ресурстық орталығының ұйымдастыруымен Индустриялды-техникалық колледж ғимаратында №75, №29, №49 және №3 білім беру мекемелерінің жастары арасында «Dala battle» әскери-патриоттық іс-шара өтті. Мақсаты — оқушылардың дене даярлығын, спорттық шеберліктерін арттыру және патриотизмге баулу болып табылады. Іс-шара барысында сала қызметкерлері жастарға техникалық қауіпсіздік бойынша түсіндірме жұмыстарын жүргізіп, «Dala battle» әскери-патриоттық іс-шарасының ережелерін түсіндірді. Сайыс түрінде өткен іс-шара 3 кезеңді қамтыды.
? 1 кезең — мектеп оқушылары арасында 100метр қашықтыққа жүгіру;
? 2 кезең — белгіленген уақыт көлемінде автомат құралдарын, шашып жинақтау;
? 3 кезең — алғашқы жәрдем көрсету бойынша жүргізілді.
Сайыс нәтижесі бойынша, жүлделі орын нәтижесі төмендегідей ⤵️
Бас жүлде — №49 мектеп
l орын — №29 мектеп
II орын — №75 мектеп
III орын — №3 мектеп жастары орын алып, арнайы кубок, алғыс хаттармен марапатталды.
Қызмет ақпарат
1745 символ
Leave a Reply