Оңтүстік өңіріндегі балаларға арналған мемлекеттік жалғыз өнер ордасы Қуыршақ театрының құрылғанына 40 жыл! Көрермен көзайымы болған театр репертуарында отандық және шетелдік авторлардың қазақ және орыс тілдерінде 150-ге жуық қойылымдары сахналанып, қазіргі таңда репертуарда 60-қа жуық қойылым жоспарланған. «Алтын қордағы» ертегілермен қатар, Қазақстандық, шетелдік, жергілікті авторлардың шығармаларынан ересектерге арналған туындылар сахналанып, қазақтың ұлы тұлғалары, қоғам қайраткерлеріне, айтулы даталарға арналған жаңа қойылымдар, сонымен қатар, мәдени көпшілік, қайырымдылық іс-шаралар өткізіліп тұрады. Театр жыл басынан бері көрермендерге 75 қойылым ұсынған болатын. Театрдың ХХХХ жылдық мерейтойы аясында, «Шымкенттен шашу» атты 40 гастрольдік іс-сапар жоспарланды. Гастроль ақпан айында Түркістан облысының Түлкібас, Ордабасы аудандары мен Жамбыл облысы Тараз қаласы, Аса кенті мен Жуалы ауданынан басталды. Сапар сәуір айында Өзбекстан Республикасы Ташкент, Самарқанд, Каттакорган қалаларына жалғасын тапты. Гастроль барысында Өзбекстан Президенті жанындағы Қазақ қауымдастығының ұйымдастыруымен қандастарымыз тұратын Бостандық, Жаңа базар, Шыршық елдімекендеріне барып қойылымдар сахналады. Сәуір айының 21-28 күндері Алматы қаласында өткен «Ортеке» VІ Халықаралық қуыршақ театрларының фестиваліне Қ.Исаевтың «Саяхатшы тасбақа» ертегі қойылымымен қатысып, ҚР мәденит және спорт Министрінің «қуыршақ театры өнерінің дамуына өлшеусіз үлес қосқаны үшін» Алғыс хатымен марапатталды. Мәденит, өнер саласындағы ынтымақтастықты нығайту мақсатында Өзбекстан Республикасы Ташкент, Самарқанд, Ферғана қалалары және Қырғызстан Республикасының Ош, Қазақстан қалалары Алматы, Ақтөбе, Қостанай қалалары мен Маңғыстау облыстық қуыршақ театрларымен екі жақты Меморандум жасалды. Алдағы уақытта театрдың 40 жылдық мерейтойына орай «Шым шырайы — Қуыршақ» халықаралық қуыршақ театрлары фестивальін өткізу жоспарлануда. Қазіргі таңда ағымдағы жылдың маусым, қыркүйек айында театр Македония Республикасы астанысы Скопье қаласында өтетін Халықаралық антикалық, Қарағанды қаласында өтетін «Куклияндия» халықаралық қуыршақ театрлары фестивальдеріне жолдама алды. Жоспарға сай маусым, қараша айында Қазақстанның еңбек сіңірген қайраткері Б.Парманов, Өзбекстанға еңбегі сіңген әртіс Ш.Юсупов қуыршақ бағытында екі классикалық шығарманы жаңа бағытта сахналайды. Театрдың 40 жылдығына орай 40 қалаға гастрольдік сапардың 27 қаласы орындалды. Күз айында Шығыс Қазақстан, Абай, Павлодар, Ұлытау, Қостанай, Батыс Қазақстан, Маңғыстау, Ақтөбе, Атырау облыстарына гастрольдік сапар ұйымдастырылады.
Қызмет ақпарат
2000 символ
Leave a Reply