ШЫМКЕНТ ЖАСТАР ЛИГАСЫНДА БАСКЕТБОЛ ОЙЫНДАРЫ ӨТТІ

Шымкентте жастар лигасының ойындары жалғасып жатыр. Бұл жолы №136 мектептің спорт залында «Шымкент жастар лигасның» үшінші кезеңінде баскетбол жарысы өтті.

Кестеге сәйкес Д тобындағы №52—№136 мектептер және №56—№23 мектептердің командалары өзара бақ сынасты.

Сонымен қатар баскетбол ойындары А.Назарбеков атындағы №87 мектепе — А тобының, №55 мектепте — Б тобы, №49 мектепте — С тобының ойындары өтті.

Айта кетейік, «Шымкент жастар лигасы» жобасы жалпы орта білім беру мекемелерінің оқушылары арасында өтіп жатыр. Сайысқа футбол, баскетбол, волейбол, шахматтан 138 мектептен 514 команда, 5 926 оқушы қатысуда. Лигада командаларды қолдау үшін қатысушы әрбір мектептен фанклубтар құралған.

Алмас Қайыпов, №65 мектеп – гимназияның директоры: «»Жастар лигасына» қатысатын кезде жүйелі түрде дайындалдық. Мектепте оқитын бала саны өте көп. Олардың арасынан ең үздіктерін таңдап, алып баруға мүмкіндік болды. Бұл біздің мектепте жұмыс істеп жатқан денешынықтыру пәні мұғалімдерінің ерен еңбегінің жемісі».

«Шымкент жастар лигасы» жобасы аясында мектеп оқушылары спорттың төрт түрінен, яғни волейбол, баскетбол, футбол және шахматтан сайысқа түседі. 80 миллион теңге қаржылай сыйлықты жарысқа қатысатын 536 команда арасында сарапқа салынбақ.

Салауатты өмір салтын насихаттайтын «Шымкент жастар лигасы» дәстүрге айналды. Биыл үшінші рет ұйымдастырылды. Ауқымды жоба бес мыңнан астам жас өреннің басын қосып, спортқа баулиды. Ұйымдастырушылар жаңа маусымда бақ сынайтын командаларға сәттілік тіледі.

Біріншілікке қатысуға жалпы саны 9 мыңға жуық оқушы ниет білдірген. Командалардың жұмысын үйлестіру үшін 420 денешынықтыру маманы жұмылдырылған. «Шымкент жастар лигасы» Мемлекет басшысының бұқаралық спортты дамыту тапсырмасына сәйкес жүзеге асырылып жатыр. Осылайша мектеп оқушыларын салауатты өмір салтына баули отырып, ҚР чемпионаттарына команда жасақтау көзделіп отыр.

«Шымкент жастар лигасы» оқу жылының соңына дейін үздіктерді іріктейді. Осылайша білімі мен спорттағы белсенділігі үйлесім тапқан команданың лига тарихында аты қалады.