2022-08-17

«Ұлтым деп жүрек толғанар!»

tories/13456.jpg» border=»0″ />

ОҚО арнайы көзі көрмейтін және әлсіз көретін азаматтарға арналған кітапханада «Тағдырластар» клубының кезекті бас қосуы, жергілікті ақын, ұлт жанашыры, мемлекеттік сыйлықтың иегері, биыл 75 жасқа толып отырған М.Шахановтың шығармашылығына арналды. Шығармашылық кеш «Ұлтым деп жүрек толғанар» деп аталды

Кешке ақынның туған өлкесі, Отырар өңірінен арнайы қонақтар келіп қатысты. Қонақтар қатарында М.Шаханов пен Ш.Қалдаяқов өмірде жақын аға бауыр болып араласқандықтан, Шәмші бейнесін кинода сомдаған оңтүстіктің өнер майталманы Мейірбек Қауынбаев, Отырар мемлекеттік археологиялық қорық музейінің «Әдебиет және өнер» бөлімінің меңгерушісі Досхан Жұмаханұлы, әнші Жанар Арыстанбаевалар да болды. Өнерпаздар кезек-кезек М.Шахановтың жырларын оқып, әсем әндерін шырқады, естелік әңгімелер айтты

Кітапхана оқырмандары қонақтарға көкейдегі сұрақтарын жолдады. Әдебиет пен өнерді дә-ріптеген басқосуға көрермен ретінде «Тағдырластар» клубының жастарынан бөлек Шымкенттегі № 8 арнаулы Оңалту орталығында демалып жатқан мүмкіндігі шектеулі жандар да қатысты.

Қонақтардан қалыспай оқырмандар Батырхан Әсел, Уйсимбаева Перизат, Салтанат Құттықбай М.Шахановтың өлең жырларын оқыды. Жиналған көпшілік өнер иелерімен естелік суретке түсіп, ерекше көңіл күймен тарасты.

Яндекс.Метрика